الكاف ولقجع ” حرب على الناجحين ، وحبل الكذب قصير .
الأسود : عبد القادر بلمكي
يقول المثل ” لا ترمى إلا الشجرة المثمرة ” .
وهذا ينطبق فعلا على مانراه اليوم و كنسمعوه من أخبار لا أساس لها من الصحة و أكاذيب وإشاعات .
ماعرفتش بالضبط علاش كيحاولو إدخال رئيس الجامعة فوزي لقجع في ملفات مفبركة .
واش حيث كيبغي الخير لكرة القدم الافريقية وكيدافع على مصالحها و تطورها .
ولا حيث الحكامة وحسن التسيير لي كيخدم بها فمجال كرة القدم .
للأمانة فوزي لقجع دائما كان همه هي افريقيا ومحاربة الفساد لي استفادو منو بزاف ديال الأطراف في الفترة لي دازت .
لكن مني بدات الشفافية والمعقول ، بداو كيخترعوا الكذوب ومابغاوش التغيير و زادوها بالفوطو شوب و صنع الإشاعات .
لكن المغرب خدام على راسو وكسب نقاط كثيرة وصحابنا بغاو يموتو بلغدايد .
هناك جهات معادية للمغرب بدأت كتروج مغالطات وإشاعات غير صحيحة على فوزي لقجع رئيس الجامعة، لا لشيء سوى أن رئيس الجامعة كسب العديد من النقاط في خلافه مع خصوم المغرب وأفشل مخطط أعداء الوحدة الترابية، فاش نظم بطولة كبيرة في مدينة العيون عاصمة الصحراء المغربية.
معطيات توصل بها موقع ” الأسود ” كتقول بأن
الأخبار اللي نشرها موقع Fifacolonialism، الذي يديره شخص ليبيري موقوف من الاتحاد الدولي لكرة القدم (الفيفا) لمدة 10 سنوات، ما عندها حتى علاقة بلقجع وغير صحيحة، “لقجع بريء والجامعة هي اللي تحملات مصاريف الجنازة ديال والد إحتارين والكاف ما عندها حتى علاقة بهاد الشي كامل، لأن حنا اللي كنكلفوا ونساعدوا اللعابة دياولنا المحتاجين، رآه ما شي منطقي الكاف تحمل مصاريف جنازة ديال لاعب.
وفي الختام ” باركا من لعب الدراري ” ولي بغا المعقول ينوض يخدم ويشطب باب دارو …..
