جمعية سلا .. القضية حماضت … شي كيسول فين فلوس منحة الجماعة؟ .. وشي كيتسنى منحة الجامعة؟

القضية حامضة فجمعية سلا ومازال باقي غادي تزيد تحماض .. هذا هو السؤال ديال جمهور الفريق السلاوي والمنخرطين والساكنة ..
آش واقع بالضبط فالفريق ؟ لي أصبح بدون رئيس. هاذ الأخير وعلى حساب العديد من المصادر عندو مشاكل بزززاف .. لي هي شخصية و ماعندناش فاش ندخلو فيها …
لكنها مشاكل لي بطبيعة الحال كتأثر على المسار ديال تدببر الجمعية السلاوية ..
لأن الفريق لي بلا رئيس بحال الحافلة لي غادية بلا سائق …
لكن وبحسب العديد من المتابعين .. جمعية سلا عندها رئيس .. غير هو كيحرك اللعب من بعيد .وبغا يبقى مخبي ..مع العلم أن كلشي عارف شكون لي كيحرك الفرقة فالواقع …
الجميع يتساءل فين مشات منحة الجماعة لي تعطات للفريق ودخلت فالميزانية .. وكيفاش تم صرفها .. وكيفاش تصلخات الحافلة وفين مشات الفلوس بالظبط .وهاذي هي الأسئلة لي كيطرحوها المنخرطون والجمهور ..
ضواسة كبيرة غادي تجبد فالأيام المقبلة .. ولي خلات أمين المال بغا يقدم استقالتو ..ولكن ماشي لخاطرو لأنه غير محطوط تما وكينفذ الٱوامر .. وماعندو حتى كلمة …
المهم دايرة هدرة كبيرة على المنحة ديال جامعة كرة القدم .. والناس لي فالمكتب كيتسناوها … بفارغ من الصبر ..
لكن بعض أعضاء المكتب ولي معروفين بنظافة اليد يريدون الشفافية … وماعاجبهمش الحال .إضافة لي المنخرطين لي قلبهم على ASS وكيبغيو الفرقة من قلبهم ..

أبناء مدينة سلا و الغيورين على الفريق أمامهم حلول كثيرة منها ينوضو يتكلمو ويطالبوا بجمع عام استثنائي .. لأن هاذشي راه غادي غير فالخسران أحمادي …
ديما ASS ولا عاش من خانها …